336. In Inventione s. Stephani.

1 a. Plaude, mater sine sorde,
Tam praeclara mundo corde
Recolens sollemnia:

1 b. Iure iam prae more plaudis,
Adest namque maior laudis
Solito materia.

2 a. Adest Stephanus athleta
Cum sodalibus, qui spreta
Iudaeorum furia

2 b. Iesum Christum praedicavit
Verbo, signis confirmavit,
Dei plenus gratia.

3 a. Tandem turba perversorum,
Semper aemula bonorum,
Excutit vitalia.

3 b. Sicque Christi pugil fortis,
Levipendens poenam mortis,
Transit ad caelestia.

4 a. Sed pro turba preces fundit,
Quae se duris saxis tundit
Et pro odio confundit
Caritatis praemia.

4 b. Sic pro gente, pater care,
Te colente deprecare
Et a tuis propulsare
Cura quaeque noxia.

5 a. Sanctum ergo, quem neearunt
Feri, feris assignarunt,
Timorati sed curarunt
Hunc cum reverentia ;

5 b. Cuius Nicodemus gnarus
Et Gamaliel praeclarus
Ac Abibon Deo carus
Gaudent de praesentia.

6 a. O quam large consecratur
Locus, quo contumulatur
Tot sanctorum copia,

6 b. Quorum licet quisque cultus,
Magis tamen exstat fultus
Martyr sanctimonia.

7 a. Heu, sub modio lucernae
Delitescunt hae quaternae
Per annorum spatia,

7 b. Sed fons demum omnis boni
Vult hos ad lucendum poni
Super lucernaria.

8 a. Sic opertum revelatur
Luciano; sed cunctatur
Exsequi, quod mandabatur,
Motus diffidentia ;

8 b. Visione triplicata,
Mora simul increpata,
Rei tandem fide data
Paret ab instantia.

9 a. Patri Ierosolymorum
De reliquiis sanctorum
Visa refert somnia.

9 b. Praesules accersiuntur,
Margaritae mox quaeruntur
Tota cum fiducia.

10 a. Tellus autem dum saritur,
En, thesaurus invenitur
Mira refragrantia,

10b. Qua languentes convalescunt,
Sic per sanctos percrebres-
cunt
Passim mirabilia.

11a. Hinc in templo collocantur,
In quo digne venerantur
Populi frequentia.

11b. Horum sublevemur prece
Corporis de foedi faece
Ad superna gaudia.