337. In Inventione s. Stephani.

1 a. In mundi terminis
Decantet turturis
Vox Christi gloriam,

1 b. Qui per martyrium
Sublimat Stephanum
Ad caeli patriam.

2 a. Nam primus martyrum
Scandit post Dominum
Arces aethereas

2 b. Inter micantium
Caelorum agminum
Scintillans choreas.

3 a. Iudaea regio,
Diu praesidio
Defensa Domini,

3 b. Cur prolem perimis
Eius vel ingeris
Tormenta martyri?

4 a. Gens magni nominis,
Adepta numinis
Superni foedera,

4 b. Iure damnabilis,
Pro mole criminis
Amittens aethera,

5 a. Iesu cruenta sanguine
De miti sparso latere,

5 b. Privata iaces lumine,

Cui mundi cedunt tenebrae.

6 a. Te contra prince psmartyrum
Stephanus it ad proelium,

6 b. Sed primus palmam meruit,
Dum prior mori voluit.

7 a. Ergo saevit sibilans
Serpentina rabies

7 b. In quem insignierat
Angelorum species.

8 a. Stans confligit coetibus
Dira plebs odibilis,

8 b. Genu flexo precibus
Agonista nobilis.

9 a. Nam, dum sudat,
Iesus iuvat

Illum in certamine,

9 a. Quem astantem
Ut pugnantem

Iam cernit in aethere.

10 a. Post haec vincens cum gloria
Tonantis intrat gaudia,

10 b. In quo vivit sine fine
Liber a mundi crimine.