345. De sancto Valerio.

1 a. Deo cuncti iubilemus
Et hunc diem celebremus
Speciali gloria,

1 b. Qua beatus Valerius,
Pater noster egregius,
Scandit ad caelestia.

2 a. Arcem tenens praesulatus,
Vita, mente sublimatus
Spernebat terrestria,

2 b. Deum trinum in personis
Praedicabat veris sonis,
Unum in substantia.

3 a. Huic sanctus Vincentius
Erat ut patri filius,
Dei plenus gratia,

3 b. Quem ad plenum lnformabant
Et non parum animabant
Literarum studia.

4 a. Bene doctus iuvenis
Sancti patris iam senis
Supplet ministeria,

4 b. Plebi magnae praedicans,
Ratione indicans,
Ne colant daemonia.

5 a. Destruuntur idola,

Plebs fit iam christicola,
Exsultat ecclesia,

5 b. Convertuntur singuli,

Tam magni quam parvuli,
Christi crescit gloria.

6 a. Tandem venit Dacianus,
Vir iniquus, vir profanus,
Praeses in Hispania,

6 b. Intrat hic Caesaraugustam,
Urbem magnam et venustam,
Et secum gens impia.

7 a. Mox perquirit servos ''Dei,
''Qui statim sistuntur ei,
Sed non mente dubia ;

7 b. Qui post multa blandimenta

Dare minatur tormenta

Dira atque gravia.

8 a. Illi minas contemnentes
Et in Christo confidentes
Exoptant supplicia,

8 b. Post Valentiam trahuntur
Et in carcerem truduntur,
Negantur cibaria.

9 a. Hos non horror carceris,
Non longa ieiunia
Frangunt clausos tenebris
Per dierum spatia.

9 b. Post dira Vincentio
Irrogat supplicia,
Sed seni Valerio
Imperat exsilia.

10 a. Ripa curta relegatus

Deo servit maceratus

Per multa ieiunia:

10 b. Ibi sanctus requievit,

Dum plus fremit et plussaevit
Gentilis saevitia,

11a. Tandem sese revelavit
Et, quis esset, indicavit
Et sepulcrum demonstravit
Praesuli per somnia.

11b. Ab Aneto elevatus

Et in Stada tumulatus,
Post ad Rotam transportatus
Cum ingenti gloria,

12 a. Iam a cunctis celebratur
Et devote frequentatur,
Nam captivus liberatur,
Et aeger quisque sanatur,
Fugantur daemonia.

12 b. O Valeri, pater sancte,
Mereamur te iuvante
Et pro nobis exorante
Collocari Deum ante
In caelesti curia.