347. De sanctis Victore et Urso.

1 a. Laetabundus
Et iucundus
Agat mundus
Gaudia;

1 b. Christi laude,
Terra, plaude,
Caeli gaude
Curia.

2 a. Hodie post labores
Victor et Ursus, flores
Vivi, fiunt victores
Cum gloria.

2 b. Fide recta praeclari
Hac die coronari
Promeruere pari
Victoria.

3 a. Iam sacri palmam rursus
Tenent Victor et Ursus,
Iam suorum
Thebaeorum
Sunt consortes,
Fide fortes
Socia.

3 b. Ut legio Thebaea
Tulit vitae tropaea,
Hi servati
Plura pati,
Poenas ferunt,
Sic tulerunt
Praemia.

4 a. Ut mundi blandimenta
Aequipendunt tormenta,
Perdunt, ne perdant,

vitam pro vita,
Sunt flagra, flammae

vinclaque trita.

4 b. Nec his nec illis laesi,
Tandem capite caesi
Capiti Christo

iunguntur ita;
Emitur bona

his margarita

5 a. Pro tuo nomine
Certantes, Domine,
In agni sanguine
Laverunt vestimenta,

5 b. Horum mens hilaris
Cantat in citharis
Cultura Caesaris

Et Hyrtaci contempta.

6 a. O Gehenna,
De gehenna

Salvet horum gratia
Te patrona,

6 b. Ossa quorum
Fers, ipsorum
Feras patrocinia,
Sumas dona.

7 a. Quorum mentes
Recolentes
Festa, Christe, libera

7 b. Et caelestis
Regni festis

Socians adnumera.

8. Amen dicant omnia
Subiuncto Alleluia.