348. De sancto Vincentio.

1 a. Sacra pangat
Atque clangat

Per orbem ecclesia

1b. In insigni
Deo digni

Vincentis victoria.

2 a. Hic enim ab infantia
Literarum
Alma nactus studia

2 b. Divina dante gratia
Scripturarum
Fulsit eloquentia.

3 a. Vas praeclarum
Electionis

3 b. Gratiarum

Claruit donis.

4 a. Qui iussu praesulis

Iesum Christum populis
Nuntiabat;

4 b. Nam praesul Valerius

Minus expeditius

Verba dabat.

5 a. Inde praeses Dacianus
Vir crudelis, vir profanus,
Hos plectendos iudicat:

5 b. Sed athleta veritatis
Fidem sanctae trinitatis
Confidenter praedicat.

6 a. Iubet hos incarcerari,
Fame, siti cruciari,
Mox legatur,
Mancipatur

Praesul in exsilia.

6b. Latomnatur sed levita,
Cui Christus erat vita,
Latomnatur,
Laceratur

Dira per supplicia.

7 a. Non hunc terror, non hanc
minae,
Multiplices non ruinae,
Non movet eculeus,

7 b. Sitit fontem angelorum,
In procellis tormentorum
Perstat murns aeneus.

8 a. Torquetur, exuritur,
Caeditur, distenditur ;
Lictor lassus deficit.

8 b. Ungulis distrahitur,
Laminis effoditur;
Suos praeses afficit.

9 a. Subdunt ferri machinae
Prunas scintillantes,

9 b. Candent cratis laminae
Sanguine vernantes.

10 a. Stridor salis vulnera
Salit per hiantia,

10b. Rupta patent viscera:
O mira constantia !

11a. Vulnera vulneribus

Infliguntur,
Viscera visceribus

Detrahuntur ;
Tortor angit,
Martyr clangit

Et viva fit hostia.

11b. Frendet, fervet, bacchatur

Dux ut aspis,
Gaudet, orat, laetatur

Vernans iaspis,
Quem exspectat
Et delectat

Caeli clangens curia.

12 a. Sumptus e patibulo
Truditur ergastulo,
Flos caelestis
Fit ex testis,

Nox lux facta rutilat.

12 b. Caeli phalanx intonat,
Martyr hymnis resonat,
Christum cernit,
Ducem spernit,

Laetus Deo iubilat.

13 a. Melodum melodiae

Procul praeconantur,
Pavescunt excubiae,
Rimis speculantur.

13 b. Errori renuntiant,

Claustra reserantur,
Intus signa radiant,
Plures admirantur.

14 a. Quod ut audit,
Quod sic plaudit,

Stupet, dolet zabulus;

14 b. Sed exsultat
Et resultat

Vincens Christi famulus.

15 a. Molli stratu ponitur,

Penetrat caelos spiritus
Triumphando;

15 b. Bestiis exponitur,

Corvus adest sollicitus
In servando.

16 a. Longe salo deicitur,
Ad actam regreditur,
Glareis inhumatur;

16 b. Basilica reconditur,
Sub altari reponitur,
Fons manat, gens mun-
datur.

17. In hoc ergo gratulemur,
In hoc Christum veneremur,
Qui nec terra, qui nec mari
Hunc permisit superari.

IV.

COMMUNE SANCTORUM.