351. De Discipulis Domini.

1 a. Iubilemus, exultemus,
Collaudantes exaltemus
Domini discipulos.

1b. Hos elegit ministros,
Verbi sui magistros

Christus post apostolos.

2 a. Pontificum dignitate,
Sacerdotum sanctitate,
Levitarum ordine

2b. Ministrantes orbem lustrant,
Sacra dantes et illustrant
Verbi Dei semine.

3 a. Verae viti adhaerentes,
Vivo pane convescentes
Ferunt fructus uberes,

3 b. Vera docent, mira gerunt,
Mundum calcant, caelumquae-
runt
Christi veri pauperes.

4 a. Isti sunt Israelitae
Veri, viri sine lite,

Veram pacem praedicaut,

4 b. Fragrant fama, fulgent vita
Virtutibus redimita.
Verbis, signis emicant.

5 a. Discipuli verberantur,
Flagellantur, lapidantur
Pro magistri nomine:

5 b. Sic magistrum imitantur,
A quo tandem coronantur
In caelorum agmine.

6 a. Horum veris disciplinis
Informemur et doctrinis
In hac vita dubia,

6 b. Ut cum ipsis gloriemur
Et a Christo coronemur
In caelesti patria.