354. De Martyribus.

1a. O et Alpha salutaris,

Tu nos salva, nauta maris
Et nauli remigium.

1b. Iam in prora fluctuamus,
Sine mora peritamus,
Si desit quierium.

2 a. Rogus terris inflammatur,
Pecten serris machinatur,
Heu, tuis fidelibus,

2 b. Petra rupis lapidantur,
Caro, cutis perassantur
Terrenis in sedibus.

3 a. Fune collo suspenduntur,
More folio demerguntur
Ex Kain genimine,

3 b. Taetro chao recluduntur,
Fero cado perunguntur,
Christe, in tis nomine.

4 a. Diris spinis flagellantur,
Verbis, minis blasphemantur
Frenesis saevitia,

4b. Equi pullis distrahuntur,
Sparsis ulnis discerpuntur
Nefanda malitia.

5 a. Plumbo, sale decoquuntur,
Et sic male compunguntur
Illusores veniae.

5b. Manu, pede mutilantur,
Mortis caede cruciantur
Depravata facie.

6 a. Fortes Christi hi athletae,
Sustinentes poenas laete
Ad mortis supplicium,

6 b. Unde salus miserorum
Et medela delictorum
Assumpsit initium.

7 a. Vox audita ab altari:
Cupimus nos vindicari
De tortorum spiculo.

7 b. Rachel plorat sed turbata,
Quoniam iam est orbata
Filiorum titulo.

8 a. Iesu pie, flos Mariae,
Ierarchiae nomen scribe
Electorum in throno,

8 b. Ut cum illis in maxillis
Fusis stillis iubilemus
Angelorum patrono.