356. De Martyribus.

1 a. Iesu hospites laudemus,
Alta voce resonemus
Eorum magnalia,

1b. Tres in hac die amoena,
Praesul, Martha, Magdalena,
Rapiunt iocalia.

2 a. Martha, soror Magdalene,
Cum ipsa laetatur plene
In caelesti gloria,

2 b. Lazarus praesul effectus
Militis est veste tectus
Christi cum victoria.

3 a. Primus miles bellicosus
Est post regem virtuosus
Protomartyr inclitus;

3 b. Illuc currit Fabianus,
Quo tendit Sebastianus,
Ut militet caelitus.

4 a. Polycarpus flammis ustus,
Valentinus non combustus
Detrur catur capite;

4 b. Tantus coetus non tepescit,
Sed Iesu amore crescit;
O fratres, attendite !

5 a. Hos Georgius rotatus,
Sed et Petrus gladiatus
Sequuntur viriliter,

5 b. Paulus et Iohannes cari
Cum Christophoro necari
Non pavent hostiliter.

6 a. Ut noscit Ephesius,
Triumphat Genesius
In diris tormentis,

6 b. Cosmas in hac acie

Dono fulget gratiae

His laureamentis.

7 a. Damianus, eius frater,
Quos simul eduxit mater,
Crucifigitur in cruce.

7 b. O martyres rutilantes,
Sitis nobis impetrantes
Gloriam a Christo duce.