357. De Martyribus vel Confessoribus.

1 a. Vocis sono
Dulci tono

Collaudemus Dominum,

1b. Qui superna
Tenens regna

Ponit mundo terminum.

2 a. Cuius virtus admiranda
Verbo fecit omnia

2 b. Fundans montes, creans fon-
tes,
Astra rutilantia.

3 a. Saeva sedat maria
Iusta dans confinia,
Quem tremiscunt impia
Picea collegia.

3 b. Cuius sapientia
Informis materia
Nunc apparet arida,
Unda quoque liquida.

4 a. Fons totius bonitatis,

rex immense, omnisator.

4 b. Monarchiae iura tenens,

summe regum imperator.

5 a. Angelorum es creator,

5 b. Hominis quoque plasmator.

6 a. Quem decepit venenosi

fraus serpentis subdola;

6 b. Unde pulsus hoc in solo
factus est agricola.

7 a. Mortis luem pro reatu
aure hausit bibula;

7 b. Factus homo eius dira
dissolvisti vincula.

8 a. Vera sanctis in aeternum
lucis praebens gaudia,

8b. Qui beatum Valerium,
tua fultum gratia,

9 a. Decorasti

vitae excellentia;

9 b. Mira gessit,

prava dempsit vitia.

10 a. Cuius vita tibi digna,

mors est ergo pretiosa,

10 b. Gaudet tecum coronatus
nunc in urbe gloriosa,

11 a. Cuius mira pulchritudo

11b. Et immensa latitudo.

12 a. Ibi sonat angelorum
iugiter harmonia,

12 b. Ibi chorus senatorum
laudum solvit munia.

13 a. Duodenus ordo pius

et infantes de sub ara

13 b. Triumphantes laureati

te collaudant voce clara.

14 a. Nunc alludit

martyrum victoria.

14 b. Confessorum

fulget nunc scientia.

15 a. Et sertato capite

inter pulchra lilia

I5b. Flos agni virgineus
sequitur vestigia.

16 a. Nostra tibi, rex immense,
placeant servitia,

16 b. Et precatu huius patris
data nobis venia

17 a. Intra urbis supradictae
perducamur moenia,

17 b. Ubi vera perfruamur
cum sanctis laetitia

18 a. Summa nacti gaudia

18 b. In caelesti patria.