360. De Virginibus.

1 a. Stellas solem comitantes,
Orbem luce perlustrantes,
Collaudemus virgines,

1 b. Sexu fragili certantes

Regnant palma triumphantes
Supra caeli cardines.

2 a. Verbis Pauli docta Thecla,
Poenas temnens atque saecla,
Poli scandit gaudia;

2 b, Ignis, ensis superatrix,
Hoste victo triumphatrix
Iubilat Caecilia.

3 a. Magos vincens Katharina,
Lux effundens, monte Sina
Iugulata conditur;

3 b. Agnes tecta stola ducis,
Maechum suscitans vi crucis,
Sequens agnum cernitur.

4 a. Agatham mamma praecisa,
Mente tamen in decisa,
Medens Petrus visitat:

4 b. Ursula fert plagas mortis,
Stat Lucia turris fortis,
Pacem migrans vocitat.

5 a, Tormenta per exquisita
Barbara cum Margarita
Dimicant in stadio;

5 b. Daemonem fugat Iustina,
Lacu trahitur Christina
Caelesti praesidio.

6 a. Eulalias Dacianus

Hispanas necat profanus
Caelibatus praemiis;

6 b, Clara degens in conclavi,
Perfragrans odore suavi,
Rutilat praeconiis.

7 a. His matronis
Tuis donis,

Iesu, proles virginis,

7 b. Fac coniunctos
Nos, disiunctos

Omni labe criminis.

ANALECTA HYMNICA

MEDII AEVI.

Herausgegefcen
von

Clemens Blume und Guido M. Dreves.