Thomas Aquinas, In IV Sententiarum – In Libros Sententiarum

Ulterius. Videtur quod si post mortem christi aliquis apostolorum confecisset hoc sacramentum, fuisset ibi anima christi; fuisset enim aliter imperfectum sacramentum. Sed de perfectione sacramenti est non solum corpus, sed etiam anima; quia totus christus in sacramento continetur. Ergo ibi fuisset anima.

Argumentum 2

Praeterea, verba formae non fuissent tunc minoris virtutis quam modo. Sed modo ex VI formae conficitur corpus cum anima. Ergo etc..

Sed Contra 1

Sed contra, corpus christi non est perfectius sub specie sacramenti quam sub specie propria. Sed tunc corpus christi erat exanime. Ergo et sub sacramento.