Thomas Aquinas, In IV Sententiarum – In Libros Sententiarum

Omnis enim virtus quae habet deum pro objecto, est virtus theologica. Sed poenitentia est hujusmodi, quia deo reconciliat. Ergo est virtus theologica.

Argumentum 2

Praeterea, contrariorum contrariae sunt causae.

Sed concupiscentia, quae opponitur caritati, est radix omnium malorum. Ergo caritas est causa destructionis peccatorum, quod est poenitentiae. Ergo poenitentia est caritas.

Argumentum 3

Praeterea, justificari est fidei, ut patet Rom. 3. Sed justificatio est effectus poenitentiae. Ergo est idem quod fides; et sic idem quod prius.

Argumentum 4

Praeterea, omnis virtus moralis consistit in medio circa suam materiam. Sed poenitentia non consistit in medio suae materiae: quia omne peccatum commissum detestatur. Ergo non est moralis virtus: ergo est theologica.

Sed Contra 1

Sed contra: objectum virtutis theologicae est deus. Non autem poenitentiae; sed magis peccatum commissum. Ergo etc..

Sed Contra 2

Praeterea, poenitentia habet passionem adjunctam.

Non autem virtus theologica. Ergo etc..