Thomas Aquinas, In IV Sententiarum – In Libros Sententiarum

Ulterius. Videtur quod nunquam debeat aliquis ab oratione cessare. Lucae 18, 1: dicebat autem ad illos similitudinem, quoniam oportet semper orare, et nunquam deficere.

Argumentum 2

Praeterea, 1 thessal., ult.: sine intermissione orate.

Argumentum 3

Praeterea, oratio est quaedam Annuntiatio desiderii ad eum per quem explendum expectatur.

Sed homo semper debet desiderare ea quae oranda sunt, scilicet bona spiritualia. Ergo oratio debet esse semper.

Sed Contra 1

Sed contra, quando homo orat, non potest operibus misericordiae vacare. Sed quandoque tenetur eis vacare. Ergo homo non semper debet orare.

Sed Contra 2

Praeterea, oratio, secundum Hugonem, est pars contemplationis. Sed homo non semper debet vacare contemplationi, sed quandoque ad actionem se extendere. Ergo non debet semper orare.