Thomas Aquinas, In IV Sententiarum – In Libros Sententiarum

Opus enim meritorium solum in deum intentionem dirigit: quia mercenaria intentio virtutem meriti evacuat. Sed orans non solum ad deum habet oculum, sed ad proprias indigentias, quibus petit subveniri. Ergo non est opus meritorium.

Argumentum 2

Praeterea, si est meritoria, nullius magis quam ejus quod postulat. Sed ejus quod postulat, non est meritoria: quia quandoque non exauditur, etiam si ab eo qui in caritate est, offeratur.

Ergo oratio non est meritoria.

Argumentum 3

Praeterea, natura non facit per duo quod potest facere per unum: quia non invenitur aliquid vanum in operibus naturae, et multo minus in operibus gratiae. Sed ad merendum sufficienter ordinantur opera. Ergo videtur quod oratio non sit meritoria.

Sed Contra 1

Sed contra, omne opus virtutis potest esse meritorium.

Sed oratio est opus virtutis, ut dictum est. Ergo est meritoria.

Sed Contra 2

Praeterea, in psalm. 34, 13, dicitur: oratio mea in sinu meo convertetur. Ergo ex oratione aliquid oranti accrescit; et ita illius videtur esse meritoria.