Thomas Aquinas, In IV Sententiarum – In Libros Sententiarum

Ulterius. Videtur quod propria auctoritate possit aliquis votum commutare. Quia si aliquis post votum terrae sanctae voveat religionem intrare, liberatus est, si impleat secundum, ut decret.

Dicit.

Sed potest propria auctoritate religionem vovere. Ergo et propria auctoritate potest votum commutare.

Argumentum 2

Praeterea, ille qui fecit aliqua vota in saeculo, non videtur ad illa teneri postquam est claustrum ingressus, ut quidam dicunt. Sed potest propria auctoritate ingredi claustrum. Ergo etc..

Argumentum 3

Praeterea votum temporale exceditur a perpetuo sola duratione. Sed aliquis potest propria auctoritate commutare votum temporale peregrinationis in votum perpetuum religionis, ut dictum est. Ergo eadem ratione potest mutare propria auctoritate votum minus diuturnum in votum diuturnius, sicut minoris peregrinationis in majorem.

Sed Contra 1

Sed contra, commutatio est quaedam dispensatio.

Sed nullus potest propria auctoritate dispensare in voto suo. Ergo nec commutare.