204. (1. ) De sanctissima Trinitate.

1. Prompta mente

2 a. Trinitati canamus individuae:

2 b. Patri summo, qui cuncta condidit verbo,

3 a. Eiusque sancto et unico filio Deo,

3 b. Universalem per quem pater fecit machinam,

4 a. Spirituique, qui procedit ab utroque

4 b. Et omne bonum fovet, auget et adimplet.

5 a. His tribus

est par et simplex unaque deitas,

5 b. Nescia

crescendi, nunquam quae valet minui,

6 a. Absque tempore

regnans, temporibus metas statuens

6 b. Et mortalibus pie quaerentibus vitam tribuens,

7. Quam nobis dare dignetur.