Ekkehartus, Decanus Sancti Galli, d. 973.
204. (1. ) De sanctissima Trinitate.
205. (2. ) De sancto Benedicto.
206. (3. ) De sancto Columbano.
207. (4. ) In Decollatione s. Iohannis Bapt.
1. Laudes Deo perenni,
2 a. Auctori redemptionis, nostra persultet nunc harmonia,
2 b. Qui vult omnes salvos esse, nullum fraudans sua clementia.
3 a. Huius ipse diei nobis consecravit sancta praeconia,
3 b. Mundans vas ad spiritalia, quod replebat inimicitia.
4 a. Mutatio dexterae placida cuius apparebat in beata Afra,
4 b. Quam sordibus erutam fecerat munda sibi offerre thymiamata
5. Carnis ac suae sacrificia.
6 a. Quam de luto sumptam caelestia fecit calcare pedibus lilia
6 b. Et cum candidulis virginibus fecit habere regni consortia,
7. Huius obtentu nostra tergat pius delicta.