171. (6. ) In Laudem ss. Trinitatis.

1. Ut quid iubes, pusiole, Quare mandas, filiole,

Carmen dulce me cantare, Cum sim longe exsul valde Intra mare? 0 cur iubes canere ?

6. Non potuerunt utique Nec debuerunt itaque

Carmen dulce coram gente Aliena nostrae terrae Resonare. 0 cur iubes canere?

2. Magis mihi, miserule, Flere libet, puerule,

Plus plorare quam cantare Carmen tale, iubes quale, Amor care. 0 cur iubes canere?

3. Mallem, scias, pusillule, Ut velles tu, fratercule, Pio corde condolere Mihi atque prona mente Conlugere. 0 cur iubes canere?

4. Scis, divine tiruncule, Scis, superne clientule, Hic diu me exsulare, Multa die sive nocte Tolerare. 0 cur iubes canere?

5. Scis captivae plebeculae Israeli cognomine

Praeceptum in Babylone Decantare extra longe Fines Iudae. 0 cur iubes canere ?

7. Sed quia vis omnimode, Consodalis egregie, Canam patri filioque Simul atque procedente Ex utroque. Hoc cano ultronee.

8. Benedictus es, Domine, Pater, nate, paraclite, Deus trine, Deus une, Deus summe, Deus pie, Deus iuste. Hoc cano spontanee.

9. Exsul ego diuscule

Hoc in mare sum, Domine, Annos nempe duos fere, Nosti fore, sed iamiamque Miserere. Hoc rogo humillime.

10. Huic cano ultronee Interim cum, pusiole,

Psallam ore, psallam mente Psallam die, psallam nocte Carmen dulce Tibi, rex piissime.

Str. 10 bei Traube:

Interim cum pusione Psallam ore, psallam mente, Psallam voce, [psallam corde], Psallam die, psallam nocte Carmen dulce Tibi, rex piissime.