234. (6. ) In sancti Maioli.

Ad Laudes.

1. Maiole, consors procerum Regum regi placentium, Inter caelestes aulicos, Divinitatis conscios,

2. Honoris privilegio

Coetu iunctus monastico, Sed et choris angelicis Frueris aula luminis.

3. Unde, pater, nos respice Pressos peccati pondere, Depone gravem sarcinam, Leviga conscientiam.

4. Hic fascibus depositis Mortis solutos vinculis Iunge nos, tuos servulos, Monachis praestantissimis.

5. Cum quibus nos perpetua Possideamus gaudia Christi favente gratia Per infinita saecula.