363. (1) De sancta Maria Magdalena.

Ad Vesperas.

1. Pange, lingua, Magdalenae Lacrimas et gaudium,

Sonent voces laude plenae De concentu cordium,

Ut concordet philomenae Turturis suspirium.

2. Iesum quaerens convivarum Turbas non erubuit, Pedes unxit, lacrimarum

Fluvio quos abluit, Crine tersit et culparum Lavacrum promeruit.

3. Suum lavit mundatorem, Rivo fons immaduit,

Pium fudit fons liquorem Et in ipsum refluit,

Caelum terrae dedit rorem, Terra caelum compluit.

4. In praedulci mixtione

Nardum ferens pisticum

In unguenti fusione

Typum gessit mysticum,

Ut sanetur unctione, Unxit aegra medicum.

5. Pie Christus hanc respexit

Speciali gratia, Quia multum hunc dilexit,

Dimittuntur omnia, Christi, quando resurrexit,

Facta est praenuntia,

6. Gloria et honor Deo, Qui paschalis hostia,

Agnus mente, pugna leo, Victor die tertia

Resurrexit cum tropaeo Mortis ferens spolia.