365. (3. ) De sancta Maria Magdalena.

Ad Laudes.

1. 0 Maria, noli flere,

Iam non quaeras alium;

Hortulanus hic est vere Et colonus mentium,

Intra mentis hortum quaere Mentis operarium.

2. Unde planctus et lamentum?

Quid mentem non erigis? Quid revolvis monumentum ?

Tecum est, quem diligis; Iesum quaeris, et inventum

Habes nec intelligis.

3. Unde gemis, unde ploras?

Verum habes gaudium; Latet in te, quod ignoras,

Doloris solacium; Intus habes, quaeris foras

Languoris remedium.

4. Iam non miror, si nescisti Magistrum, dum seminat;

Semen, quod est verbum Christi Te magis illuminat,

Et Rabboni respondisti, Dum Mariam nominat.

5. Pedes Christi quae lavisti Fonte lota gratiae,

Quem ab ipso recepisti, Funde rorem veniae,

Resurgentis, quem vidisti, Fac consortes gloriae.

6. Gloria et honor Deo, Cuius praefert gratia

Invitanti pharisaeo Mariae suspiria,

Cenam vitae qui dat reo Gratiae post prandia.