Philippus de Grevia, Cancellarius Parisiensis, d. 1236.
363. (1) De sancta Maria Magdalena.
364. (2. ) De sancta Maria Magdalena.
365. (3. ) De sancta Maria Magdalena.
366. (4. ) In Inventione s. Crucis.
1 a. Si vis vera frui luce,
In praeclara Christi cruce Gloriari studeas,
1 b. Ut de passionis clavis Fabricetur tibi clavis, Qua caelum introeas,
2 a. Haec est clavis secretorum, Hoc in fronte signatorum Signum est victoriae;
2 b. Hoc sigillum summi regis, Haec est scala novae legis, Hoc vexillum gloriae.
3 a. In hoc vecte botrus vectus, In hoc palo praedilectus Morbos sanat omnium;
3 b. Hic est lectus praeelectus, Ex electis est confectus Liliis convallium.
4 a. In hoc signo triumphali, In hac virga pastorali, Virga paenitentiae,
4 b. Mare credit et obedit, Mundus credit, et recedit Error ignorantiae.
5 a. Ergo mundas et fecundas Nobis undas, crux, effundas De petra dulcedinis,
5 b. Aqua munda, nos emunda Et caelesti nos fecunda Fonte plenitudinis.