Acta Benedicti Pp. XVI 515

§ 2. Coetui Membrorum adscribi quoque possunt aliqui clerici, integrae

famae, in iure canonico doctores atque eximia doctrina canonica praediti.

§ 3. Supremum Tribunal, nisi aliud caveatur, causas cognoscit per colle-

gia, salva facultate Praefecti eas deferendi ad Signaturam Plenam.

§ 4. Sancta Sede vacante, Praefectus et Membra a munere cessant.

Art. 2. § 1. Praefecto auxilio est Secretarius in Signaturae Apostolicae

negotiis personisque moderandis.

§ 2. Sancta Sede vacante, Secretarius ordinario moderamini Signaturae

Apostolicae prospicit, negotia tantum ordinaria gerens; ipse vero indiget

confirmatione Summi Pontificis, intra tres ab Eius electione menses.

Art. 3. In Dicasterio operam praestant Promotor iustitiae, Defensor vin-

culi, Promotores iustitiae Substituti et Praepositus Cancellariae, necnon

congruus Officialium et Adiutorum numerus. Eidem adsunt, tamquam con-

sultores, Referendarii.

Art. 4. Secretarius, Promotor iustitiae, Defensor vinculi, Promotores ius-

titiae Substituti, utpote Administri maiores, necnon Referendarii a Summo

Pontifice nominantur. Officiales et Adiutores assumuntur ad normam Ordi-

nationis generalis Romanae Curiae.

Caput II.

De singulis muneribus

Art. 5. § 1. Praefectus Signaturam Apostolicam moderatur, eam dirigit

eiusdemque personam gerit.

§ 2. Ipsius potissimum est:

1o Collegium Iudicum constituere vel Signaturam Plenam convocare,

designare Ponentem et Iudicum Sessionibus praeesse;

2o Congressui praeesse et in eo decisiones ferre;

3o petitas gratias concedere et decreta decisoria extra Congressum ferre.

Art. 6. § 1. Secretarius, sub auctoritate Praefecti, omnia ad instructionem

et expeditionem negotiorum spectantia peragenda curat.

§ 2. Ipsius potissimum est:

1o instantias receptas aliasque quaestiones examinandas committere;