Acta Francisci Pp. 497

eius pontificatum sunt peracti. Summus Pontifex die XVI mensis Octobris

anno MCMLXXVIII est electus atque die XXII mensis Octobris sollemni modo

ministerium Pastoris Universalis Ecclesiae inauguravit. Insignis et impen-

sus fuit eius Pontificatus: itinera pastoralia frequentissima et apostolica

in Italia et in mundo, incepta pastoralia magnae laudis inter fideles toto

in orbe, veluti Annus Sanctus Redemptionis, Annus Marianus, Magnum

Iubilaeum Anni MM atque Annus Eucharisticus, exaratio maximi momenti

documentorum. Vias renovationis a Concilio Oecumenico Vaticano II aper-

tas percurrit veluti fidelis heres et creativus interpres magisterii magno-

rum suorum praedecessorum. Novum vigorem dialogo oecumenico et inter

religiones dedit atque pacem inter populos promovit. Per suum amplum

sociale magisterium, in lucem ponens dignitatem indelebilem hominis a

Christo redempti, certam dedit operam societati humanae renovandae eius-

que progressioni in viis libertatis, iustitiae et veritatis. Novas generationes

proximas fecit Ecclesiae, Dies Mundiales Iuventutis celebrans. Eius attenta

et studiosa inter iuvenes praesentia spem in eos ingessit, quos adhortatus

est ut responsales fierent actores vitae Ecclesiae novi millenii. Per fre-

quentes beatificationes et canonizationes quibus Ipse praefuit, in cordibus

fidelium concivit sanctitatis desiderium, « altae mensurae » vitae christianae

ordinariae. Mundum, credentes et non credentes, catholicos et non catho-

licos est allocutus. Usque ad finem Magister fuit veritatis atque exemplum

voluntatis Domini accipiendae. Eius longus et progrediens morbus factus

est illi cathedra nobilissima et altissima e qua salvificam proclamabat crucis

virtutem atque spem vitae aeternae. Pie in Domino obdormivit Romae, in

Palatio Apostolico, die II mensis Aprilis anno MMV, in vigilia Dominicae II

Paschae seu de Divina Misericordia. Sollemnes exsequiae die VIII mensis

Aprilis in Foro ante Basilicam Papalem Sancti Petri sunt celebratae, quas

ingens turba participavit.

Consideratis amplissima solidissimaque sanctitatis fama, in diebus

exsequiarum multorum fidelium et personarum bonae voluntatis etiam alia-

rum religionum adventu demonstrata, nec non constanti peregrinatione ad

eius sepulcrum in Basilica Papali Sancti Petri, Summus Pontifex Benedic-

tus XVI, clarus Decessor Noster, exemit a quinque annis exspectandis a

decessu ut Inquisitio dioecesana inchoaretur, ita ut die XXVIII mensis Iunii

anno MMV Inquisitio dioecesana incipi posset super vita et virtutibus, quae

apud Vicariatum Romae annis MMV-MMVII est peracta. Processus , super mira