496 Acta Apostolicae Sedis - Commentarium Officiale

umquam alias mysterium manifestavit eius fulgidae testificationis. Sanctitas

beati Ioannis Pauli II agnitionem invenit in fidelium acclamatione qui, ad se-

pulcrum reliquias amati comitantes Pontificis, vocabant: « Sanctum statim! ».

Hic magnus Ecclesiae Pastor, sub nomine Caroli Iosephi Wojtyła, in

« Wadowice » (Polonia) die XVIII mensis Maii anno MCMXX est natus. Alter

erat e duobus filiis Caroli Wojtyła et Aemiliae Kaczorowska. Novem annos

natus, Primam accepit Communionem, duodevicesimum autem annum agens

sacramentum Chrismatis. Curriculis scholae superioris expletis, amore duc-

tus litterarum et poësis, nomen dedit Universitati Iagellonicae Cracoviae,

Facultati videlicet Litterarum. Cum nazistarum regimen occupationis Stu-

diorum Universitatem anno MCMXXXIX clauderet, iuvenis Carolus operatus est

in lapicidina ac deinde in fabrica chimica ut victum sibi mereret simulque

deportationem in Germaniam vitaret. Ab anno MCMXLII, vocationem ad sacer-

dotium sentiens, curricula absolvit formationis Seminarii Maioris clandestini

Cracoviae. Eodem tempore una cum aliis secretum promovit « Theatrum

Rapsodicum ». Post bellum curricula prosecutus est apud Seminarium Maius

Cracoviense, restitutum, atque apud Facultatem Theologiae Universitatis

Iagellonicae, usque ad suam sacerdotalem ordinationem Cracoviae die I

mensis Novembris anno MCMXLVI susceptam. Romae deinde studia et thesim

ad lauream in theologia est consecutus. In Poloniam reversus, auxilium

praestitit primum in paroecia « Niegowic », prope Cracoviam, deinde in pa-

roecia sancti Floriani, eadem in urbe. Munus capellani iuvenum studiorum

universitatis exercuit usque ad annum MCMLI, cum cursus philosophiae et

theologiae apud Catholicam Universitatem Lublinensem prosequi inciperet.

Postea professor constitutus est theologiae moralis et ethicae apud Semina-

rium Maius Cracoviae et Facultatem Theologiae Lublini. Die IV mensis Iulii

anno MCMLVIII Summus Pontifex Pius XII nominavit eum Episcopum titulo

Ombitanum et Auxiliarem Cracoviensem.

Episcopalem ordinationem die XXVIII mensis Septembris eiusdem anni

in Cathedrali ecclesia « Wawel » Cracoviae accepit. Die XIII mensis Ianuarii

anno MCMLXIV Archiepiscopus Metropolita Cracoviensis a Servo Dei Papa

Paulo VI est nominatus qui eum etiam Cardinalem, tres transactis annis,

die XXVI mensis Iunii anno MCMLXVII creavit. Diligenti laetoque animo Con-

cilium Oecumenicum Vaticanum II participavit, valde tribuens adiumentum

Constitutioni pastorali Gaudium et spes exarandae. Carolus S.R.E. Cardinalis

Wojtyła quosdam etiam coetus Synodi Episcoporum participavit, qui ante