522 Acta Apostolicae Sedis - Commentarium Officiale

anno MMXI ad scientiam inexplicabilem iudicarunt. Theologi Consultores

intercessioni Venerabilis Dei Servi sanationem in Congressione peculiari

die XXII mensis Octobris anno MMXI tribuerunt atque idem Patres Cardina-

les et Episcopi in Sessione Ordinaria die VII mensis Maii MMXII putarunt.

Decessor Noster Benedictus XVI die X mensis Maii anno MMXII facultatem

fecit ut Congregatio de Causis Sanctorum Decretum super miraculo ederet

et statuit ut beatificationis ritus die XXI mensis Septembris anno MCMXIII

Bergomi celebraretur.

Hodie igitur de mandato Nostro Venerabilis Frater Noster Angelus S.R.E.

Cardinalis Amato, Congregationis de Causis Sanctorum Praefectus, textum

Litterarum Apostolicarum legit, quibus Nos in Beatorum numerum Vene-

rabilem Dei Servum Thomam de Olera adscribimus:

Nos, vota Fratris Nostri Francisci Beschi, Episcopi Bergomensis, necnon

plurimorum aliorum Fratrum in Episcopatu multorumque christifidelium

explentes, de Congregationis de Causis Sanctorum consulto, auctoritate

Nostra Apostolica facultatem facimus ut Venerabilis Servus Dei Thomas

ab Olera (saeculari nomine Acerbis appellatus) Laicus professus Ordinis

Fratrum Minorum Capuccinorum, qui Christum crucifixum contemplatus,

altae divinae caritatis Sapientiae testis ac studiosus catechista est factus,

Beati nomine in posterum appelletur, eiusque festum die quarta mensis

Maii, in locis et modis iure statutis, quotannis celebrari possit. In nomine

Patris et Filii et Spiritus Sancti.

Haec vero quae hodie statuimus firma usquequaque esse volumus ac

valida fore iubemus, contrariis quibuslibet rebus minime obstantibus.

Datum Romae, apud Sanctum Petrum, sub anulo Piscatoris, die XXI

mensis Septembris, anno MMXIII, Pontificatus Nostri primo.

De mandato Summi Pontificis loco Secretarii Status

c petruS parolin

Archiepiscopus tit. Aquipendiensis

Loco G Plumbi

In Secret. Status tab., n. 40.608