498 Acta Apostolicae Sedis - Commentarium Officiale

sanatione apud Curiam Episcopalem Aquensem in Gallia annis MMVI-MMVII est

instructus. Expleto regulari itinere canonico, die I mensis Maii anno MMXI

in Foro ante Basilicam Papalem Sancti Petri Summus Pontifex Benedictus

XVI sollemni praefuit ritui Beatificationis. Eodem die in Costarica quaedam

evenit sanatio, intercessioni eiusdem beati Ioannis Pauli II tributa. Nova

Inquisitio dioecesana de eiusmodi eventu apud Curiam Archiepiscopalem

Sancti Iosephi in Costarica, a die XX mensis Novembris ad diem II mensis

Decembris, anni MMXII, secundum normas canonicas, est peracta atque Con-

gregatio de Causis Sanctorum validitatem iuridicam Processus Decreto die

XII mensis Februarii anno MMXIII agnovit. Consilium Medicum Congregationis

de Causis Sanctorum, in Congressione die XXVIII mensis Februarii anno

MMXIII, unanimiter iudicavit sanationem sub luce scientiae medicae inexpli-

cabilem. Ad hunc quod attinet eventum Consultores Theologi, in Congressu

Peculiari die X mensis Aprilis anno MMXIII habito, de intercessione beati

Ioannis Pauli II affirmativam tulerunt sententiam. Patres Cardinales et

Episcopi, in Sessione Ordinaria die II mensis Iulii eiusdem anni congregati,

agnoverunt sanationem verum fuisse miraculum.

Nosmet Ipsi die V mensis Iulii anno MMXIII facultatem Congregationi de

Causis Sanctorum tribuimus ut Decretum super miraculo promulgaret. Die

XXX mensis Septembris eiusdem anni in Consistorio canonizationem beati

Ioannis Pauli II die XXVII mensis Aprilis, in Dominica II Paschae seu de

Divina Misericordia, anno MMXIV, celebrandam decrevimus.

Hodie igitur Romae in Foro Petriano inter Missarum sollemnia hanc

pronuntiavimus formulam:

Ad honorem sanctae et individuae Trinitatis, ad exaltationem fidei ca-

tholicae et vitae christianae incrementum, auctoritate Domini nostri Iesu

Christi, beatorum Apostolorum Petri et Pauli ac Nostra, matura deliberatio-

ne praehabita et divina ope saepius implorata, ac de plurimorum Fratrum

Nostrorum Consilio, Beatos Ioannem XXIII et Ioannem Paulum II Sanctos

esse decernimus et definimus, ac Sanctorum Catalogo adscribimus, statuen-

tes eos in universa Ecclesia inter Sanctos pia devotione recoli debere. In

nomine Patris et Filii et Spiritus Sancti.

Praeclarus hic Summus Pontifex excellentem ostendit spiritalem pro-

gressum, Christi eiusque Ecclesiae dilectionem atque insignia dedit pieta-

tis testimonia. Studiose Evangelium omnibus gentibus nuntiare properavit,

adiuncta aetatis nostrae et condiciones vitae humanae perspicue considerans