V.

Dominica infra Octavas Nativitatis Christi,

ORATIO.

Erant admirantes Joseph et Maria mater Jesu .''

Domine Jesu Christe, qui positus es nobis in ruinam vitiorum, et resurrectionem virtutum, et in signum humilitatis, asperitatis et paupertatis: da mihi Mariam, rationem discretam, qua? concipiat propositum salutis, et pariat: da Joseph, humilem conscientiam, quae nutriat conceptum salutis propositum : mirentur ambo super repromissionibus qua? dicuntur de te. Benedicat mihi Simeon, interna visitatio tua : ut propositum salutis non sit mihi per superbiam in ruinam, sed per humilitatem in resurrectionem: et ne per hypocrisim contradicam signo rectae intentionis, pertranseat acumen fervidi desiderii motum internum rationis meae, ut revelentur multae providentiae et sollicitudines: pertranseat animam meam gladius verbi tui quod prohibet mala, praecipit bona, suadet perfecta, concedit media, corripit inquietos, consolatur pusillanimes, comminatur pronas gehenna?, et promittit gaudia coeli. Sit anima mea Anna qua? gratiam Dei in vacuum non recipiat, sed sit utilis sibi per sanctitatem, proximo per exemplum, pia Deo per intentionem. Sit prophetissa, videns praeterita peccata ut plangat, immensas tentationes ut caveat, beneficia redemptionis ut gratias agat, pronas gehenna? ut timeat, gaudia coli ut consoletur.

Sit Elia Phanuelis, facies Dei Patris, et Filii, et Spiritus sancti : de tribu Aser, de sorte et numero beatorum : procedat in diebus virtututum multis, non discedat, imo habitet in templo corporis Domini per spem et venerationem Virginis matris, per laudem et precem Ecclesia?, per unitatem et catholicam pacem collegii Sanctorum, per imitationem et sanctam conversationem : animae per internum adspirationem, corporis per egregiam actionem, angelici spiritus per stuporem et admirationem, patriae coelestis per amorem et aviditatem. Jejuniis et obsecrationibus, afflictionibus videlicet corporis, et devotione mentis ; serviat Domino perseveranter nocte ac die, in adversitate et prosperitate: confiteantur Domino confessione laudis et peccati : loquatur de illo non quibusdam tantum, sed omnibus et praecipue expectantibus redemptionem Israel : ut perficiat secundum charitatem legem Domini, et redeat in Galilaeam civitatem suam Nazareth ad revelationem floridam, et ad te florem revelatum, Jesu Christe, in quo crescat et confortetur plena sapientia et gratia. Amen.