XLVIII.

Dominica vicesima post festum Trinitatis,

ORATIO.

[Simile est regnum coelorum homini regi qui fecit nuptias filio suo .

Domine Jesu Christe, rex coeles tis gloriae qui filiis Abrahae per poenitentiam te imitantibus, sponsam bonam vitam religionis dedisti, propter fidem thori spiritualis, propter prolem bonorum operum, et sacramentum inseparabilius, et nos per nuntios tuos, sacram Scripturam, periculum vivendi, infirmitates, mutationem fortunae, et gratuitam voluntatem ad has nuptias vocasti: Da nobis charitatem, vestem nuptialem, ne a laude Dei et confessione peccati obmutescamus ; ne a refectione, spirituali gaudio scilicet, pace, et securitate separemur: vel vestem pietatis, ne ligatis manibus et pedibus impietatis in tenebras exteriores, ubi erit fletus et stridor dentium, projiciamur. Amen.