I.

Dominica prima in Adventu Domini,

ORATIO.

Et cum appropinquassent Ierosolymis.... '

Domine Jesu Christe, qui pro nobis venisti in carnem per unionem divinas naturas ad humanam: veni in mentem nostram per gratiae infusionem, ut appropinquemus visioni tuas pacis ad nos, ad Praelatos et proximos, per confessionis puritatem, obedientiae humilitatem, et misericordias sublimitatem. Mitte ibi duos discipulos, ordinatum timorem et amorem, in castellum animae nostras, quas per turrim elationis, per murum obdurationis,et per seram pertinacis contra te est. Qui non curant fatuum cogitatum contradicentem, solvent asinam, humilem simplicitatem : et pullum agilem, libertatem, a vinculispravi pudoris et timoris, vel consuetudinem et contemptum a quolibet peccato mortali: et ad te ducentes tibi soli placere appetant: vestimenta imponant per detestationem contrarii et aemulationem majoris profectus, et per summae salutis desiderium te supersedere faciant. Plurima autem turba internarum cogitationum vestimenta bonorum operum per humilitatem sternent in via. Caedant ramos de arboribus, exempla Sanctorum ad imitandum sibi proponentes: ut in omnibus nostris internis et externis, tam de naturalibus quas praecedunt quam de gratuitis quae sequentur: 0 fili David nos salvificans a nobis benedicaris in excelsis. Amen.