XXIV.

Dominica quarta post octavas Paschae,

ORATIO.

Amen amen dico vobis, si quid petieritis, etc. .

Domine Jesu Christe, qui propter imperfectionem intellectus nostri in proverbiis locutus es nobis, et quia propter imperfectionem affectus nostri usque modo non petivimus quidquid in nomine tuo : doce nos orare in nomine tuo quod est Jesus, salus, sapientia, et veritas, et vita, potius quam in nomine Jesu filii Nave Sirach Josedec : ut det nobis Spiritum bonum, rectum, sanctum, et principalem : det piscem fidei, ovum spei, et panem charitatis : ut gaudium plenum sit de essentiali et spirituali bono. Deus Pator adimpleat irascibilem potentia et gloria, Filius rationalem sapientia et veritate, Spiritus sanctus concupiscibilem amore et bonitate. Amen.