7

Pacta conventa inter S. Sedem et Rempublicam Columbiae.

In Nomine Sanctissimae et Individuae Trinitatis.

Sanctitas Sua Summus Pontifex Leo X I I I et Praeses Reipubli- cae Columbianae excellentissimus Dominus Raphael Nuñes in suos respective plenipotentiarios nominarunt ;

Sanctitas Sua eminentissimum Dnum Marianum Rampolla del Tindaro S. R. E. Cardinalem Presbyterum S. Cecilia», suum Mi- nistrum a publicis negotiis : et Reipublicae Praeses excellentissi- mum Dominum Ioachim Ferdinandum Vêlez Legatum extraordi- narium et Administrum cum liberis mandatis apud Sedem Aposto- licam. Qui post mutuo tradita respectivae plenipotentiae instru- menta de iis, quae sequuntur convenerunt.

Art . 1. Religio Catholica, apostolica, romana est religio Rei- publicae Columbianae; publica potestas eamdem agnoscit tamquam essentiale elementum, quo societatis ordo constat, seseque obstrin- g i t eam, prout etiam eiusdem administros, patrocinio suo iuvare, ac tutari; illamque in usu et fruitione suorum iurium ac praero- gativarum incolumem servare.

Art . 2. Ecclesia catholica plena fruetur ac integra libertate et independentia a politica potestate, quapropter haec ulla ratione intercedet quin ipsa suam spiritualem auctoritatem et ecclesiasticam iurisdictionem universam libere exerceat, suaque iuxta proprias leges moderetur et administret.

Art. 3. Ecclesiae leges sunt a civili iure discretae, nec huius partem constituunt ; at Reipublicae Magistratus illas in honore et reverentia solemniter habebunt.

Art . 4. Status agnoscit Ecclesiam suis legitimis potestatibus ordinibusque hierarchicis repraesentatam, vere proprieque iuridicam habere personam, et capacitatem utendi fruendique iuribus, quae ad ipsam pertinent.

Art . 5, Ecclesia iure pollet acquirendi iusto t i tulo, possidendi libereque administrandi bona tum mobilia, tum immobilia ad nor- mam communi iure praefinitam, eiusque acquisitae res et funda- tiones inviolabiles nihilo secius ac propria civium Reipublicae bona.

Art. 6. Ecclesiae proprietates poterunt publicis subiici vectiga- libus aeque ac aliorum civium bona ; exceptis tamen aedificiis di- vino cultui dicatis, Seminariis conciliaribus, Episcoporum et Pa-