PACTA CONVENTA ETC. 9

per se sive per speciales Delegatos in praefatis studiorum faculta- tibus inspicere, nec non libros qui pro textu adhibeantur revisere quoad ea quae fidei doctrinam morumve spectant. Archiepiscopus Bogotensis libros seu textus designabit qui in Universitatibus legi debeant, ad religionis morumque scientias tradendas; atque id unifor- mis sit harum disciplinarum institutio, idem Archiepiscopus, collatis cum aliis locorum Ordinariis consiliis, libros deliget qui pro textu sint in reliquis publicis Athaenaeis. Gubernium cavebit ne in hu- manioribus litteris aut scientiis, et universim in omnium generum disciplinis tradendis, placita evulgentur quae catholicis dogmatibus, et reverentiae ac venerationi erga Ecclesiam debitae, adversentur.

Art . 14. Quod si contingat magistros aut lectores scientiae re- ligionis morumve contra gubernii edicta et praescriptiones, catho- licae doctrinae haud consentanea docere, poterit loci Ordinarius eisdem docendi potestatem adimere.

Art . 15. Ius Archiepiscopos et Episcopos in vacantibus Eccle- siis constituendi est Sanctae Sedi proprium et peculiare. Nihilo- minus Sanctitas Sua in specialis observantiae argumentum, atque ut inter Ecclesiam et civilem statum pax et concordia servetur, annuit, ut explorata prius Praesidis Reipublicae sententia num eligenda persona ipsi accepta sit , provisio sedium Episcopalium et Archiepiscopalium peragatur. Quapropter cum Sedem aliquam va- care contigerit, poterit Reipublicae Praeses Sanctae Sedi eccle- siasticos illos viros directe commendare, qui iis omnibus dotibus pollere ipsi videantur, quae ad episcopale munus rite obeundum expostulantur. Vicissim Sancta Sedes priusquam Episcopum quem nuncupet, nomina candidatorum quos provehere animo cogitet, sem- per Praesidi praesignificabit eum in finem, ut dignoscat num is ci- vil is aut politici ordinis causas habeat cur candidatorum personae sint ipsi minus gratae. Curabitur ut vacantium sedium provisio quantocius fiat, quae ultra sex mensium spatium procrastinari nequibit.

Art . 16. Sancta Sedes novas Dioeceses eriget, ac novas earumdem peraget circumscriptiones, cum id fidelium necessitas aut uti l i tas po- stulaverit; cum G-ubernio tamen consilia conferet, eiusdemque ae- quas reique congruentes animadversiones acceptas gratasque ha- bebit.

Art . 17. Ut matrimonium eorum omnium qui catholicam reli- gionem profitentur effectus civiles quoad contrahentium prolisque personas et bona progignat, iuxta formam a Concilio Tridentino