IX.

Dominica tertia post Octavas Epiphaniae,

ORATIO.

''Ascendente Jesu in naviculam .

Domine Jesu Christe, qui naviculam crucis ascendisti ut sequerentur te Discipuli tui : cupiens te sequi cum Discipulis, meis affectibus scilicet : ecce motus magnus tentationis factus est in mari cordis mei. ita ut te dormiente, gratia tua, sicut tempestate in me navicula animae meae jam operiatur concupiscentiae fluctibus : clamo igitur per orationem, traho per desiderium, pulso per devotionem, per operationem excitans te : surge in adjutorium, pelle timorem, auge fidem, impera ventis, suggestionum flatibus, et mari, motui sensualitatis : ut fiat tranquillitas magna in mari pectoris mei : et omnes meae internaae cogitationes admirantes virtutem tuam laudent in aeternum. Amen.