PACTA CONVENTA ETC. il

dictis fundationibus extingui contingat, praehabitis inter potestatem, ecclesiasticam et Gubernium consiliis, proventuum, qui ad illam pertinebunt, pietatis et beneficentiae operibus addictio fiet, quin tamen unquam contra fundatorum voluntatem quidpiam fiat.

Art . 24. Sancta Sedes perpendens praesentem statum aerarii Columbiani, et attenta uti l i tate quae ex observantia praesentis con- ventionis in Ecclesiam manat, Reipublicae sequentia remittit et condonat. a) Pretium sortis usque adhuc minime recognitae (non riconosciuta in verun modo) bonorun publica torum (vulgo : disam- mortizzati) quae quoad maximam illorum partem ad conventus pertinebant aut sodalitia religiosa utriusque sexus iam extincta, et in praecedentibus articulis haud comprehensa, b) Nomina quae de- beat ecclesiasticis inst itutis ob non solutos redditus fructusve quo- rum dies cessit¿ aliave de causa ex publicatione oborta usque ad diem 31 Decembris vertentis anni 1.837.

Art . 25. In huius beneficii compensationem Columbianum G u - bernium semel obstringit aliquam quotannis in perpetuum addicere expeditam pecuniae vim, quae in praesenti ad centena Columbiano- rum scutatorum millia constituta, quum aerarii conditio meliori fuerit loco aeque adaugebitur; quo, ea ratione et modo qui inter summas utrasque potestates, ex composito conveniat, ope auxilioque iuvabuntur dioeceses, capitula, seminaria, missiones aliaque id genus opera, quibus Ecclesia gentes ad humaniorem vitae cultum adducit.

Art . 26. Religiosi extinctarun sodalitatum adhuc dum supersti- tes redditibus frui pergent , qui praecedentibus legibus adtributi ipsis fuerunt pro eorum sustentatione aliisque vitae necessitatibus.

Art . 27. Pari modo redditus aliaeque assignationes firmae ra- taeque constabunt antehac adtributae divini cultus manutentioni in Ecclesiis, cappellis aliisque religiosis, locis quorum ratio habita non est in Art . 22. Casu quo super hoc caput dubia aut difficultates oriantur, Gubernium consilia cum competenti ecclesiastica aucto- ritate communicabit, ut quod ad rem sit decernatur.

Art . 28. Gubernium ecclesiasticis institutis bona publicata ad eadem pertinentia restituet, quae nulli destinata et adtributa usui fuisse deprehendantur. Quorum ubi ignotus sit dominus, vel in quem impendantur finis cessaverit, sive sors ex eorum venditione proveniens, sive eorum redditus adsimilibus pietatis et beneficen- tiae operibus addicentur, prout uniuscuiusque Dioeceseos necessitas postulaverit, collatis ea desuper re cum competenti auctoritate ecclesiastica consiliis.