X.

Dominica in Septuagesima,

ORATIO.

Simile est regnum coelorum homini, patrifamilias .

Domine Jesu Christe, summe paterfamilias qui me primo mane in vineam tuam vocasti, dum me a juventute mea ad laborandum in religione pro denario viae aeternae conduxisti: cum sero factum fuerit in judicio, et reddes operariis mercedem : quid dabis mihi, qui non solum in foro saeculi, sed in ipsa vinea religionis tota die vitas meas otiosus steti ? Domine, qui non ponderas opera nostra ad pondus publicum, sed ad pondus sanctuarii, fac me saltem in undecima hora resipiscere, et quia tu bonus es, oculus meus omnino nequam non inveniatur. Amen.