XI.

Dominica in Sexagesima,

ORATIO.

''Cum turba plurima convenirent, et de civitatibus properarent .

Domine Jesu Christe, fac me exire de veteri vita mea : ne semen verbi tui quod in meo intellectu boni propositi, quod in meo affectu boni operis, quod in meo actu seminasti, comedatur a volucribus inanis gloriae : ne conculcetur in via assiduitatis, ne areat in petra duritiae et obstinationis, et ne suffocetur in spinis sollicitudinis : sed potius in terra bona et optima cordis humilis et patientis et hilaris gratissimum fructum afferat in patientia. Amen.