Acta Benedicti Pp. XVI 529

TITULUS IV

DE PROCESSU CONTENTIOSO ADMINISTRATIVO

Caput I.

De recursibus adversus actus administrativos singulares

Art. 73. § 1. Recursus referre debet:

1o a quonam ipse proponatur;

2o actum, qui impugnatur;

3o quid petatur;

4o quo iure innitatur;

5o diem acceptae notificationis actus impugnati;

6o subscriptionem partis recurrentis.

§ 2. Recursui adnecti debent:

1o actus, qui impugnatur, nisi a recurrente exhiberi nequeat;

2o mandatum Patrono rite collatum aut petitio, documentis suffulta, pro

obtinendo gratuito patrocinio.

Art. 74. § 1. Recursus exhibendus est intra terminum peremptorium se-

xaginta dierum utilium a die peractae actus notificationis.

§ 2. Ab uno Romano Pontifice in terminos remissio conceditur.

Art. 75. Nullus est recursus si absolute incertum manet de quibusnam

personis vel de quonam obiecto agatur.

Art. 76. § 1. Secretarius, audito Promotore iustitiae, decreto recursum in

limine reicit qui indubie atque evidenter aliquo careat praesupposito, veluti si:

1o non agatur de re ad tribunal administrativum pertinente;

2o recurrens careat legitima persona standi in iudicio;

3o haud exstet lex, quae asseritur violata;

4o termini ad recursum proponendum elapsi sint.

§ 2. De eiusmodi decreto Secretarius Promotorem iustitiae et, si casus

ferat, competentem Auctoritatem certiorem facit.

§ 3. Recurrens in ipso decreto certior fit de facultate recurrendi ad Con-

gressum intra peremptorium terminum decem dierum ab eodem recepto.