XVI.

Dominica quarta in Quadragesima,

ORATIO.

Abiit Jesus trans mare Galilaeae.

Domine Jesu Christe, quoniam prope est Pascha transitus mei, et panes emptitii carnalium illecebrarum comparati ducentis denariis, perditione scilicet corporis et animae, non sufficiunt, ut unusquisque modicum quid accipiat : fac me sublevare mentis oculos ad te, et discumbere super foenum carnalis voluptatis, temporalis possessionis et glorias : ut merear satiari quinque spiritualium panum refectione, scilicet timore Domini judicii, horrore peccati, dolore contritionis, pudore confessionis, labore satisfactionis : et duobus piscibus, stabilitate propositi, et desiderio in melius proficiendi : vel quinque panibus quos puer unus habet hic, humilitas scilicet, quae meretur requiem gratias Dei, vacua impleri, januam Paradisi, quas est secretaria Dei, et meretur gloriam exsultationis : et duobus piscibus, patientia scilicet contumeliarum, et iniuriarum. Amen.