XXI.

Dominica prima post octavas Paschae,

ORATIO.

Ego sum pastor bonus >.

Domine Jesu Christe, pastor Angelorum et hominum, bone per essentiam, cujus eadem bonitas et officium, licet ratione differant : qui pro ovibus tuis animam tuam in pretium, carnem in cibum, et sanguinem in potum dedisti : qui venisti ut oves tuas vitam habeant gratia?, et abundantius habeant gloriae : in passione factus es nobis ostium in Ecclesia militante, in resurrectione in Ecclesia triumphante, ut per te ad salvandum introeamus ad te : cognosce oves tuas ut cognoscam ab eis, ut conformemur tibi te imitando. Sit ratio nostra pastor per charitatem, non mercenarius per cupiditatem : ingrediatur per studium contemplationis, egrediatur per exercitium bonae actionis : ingrediatur per secretum orationis, egrediatur per exemplum boni operis : ingrediatur se occultando per humilitatem, egrediatur se manifestando propter necessitatem : ingrediatur per observantiam mandatorum, egrediatur per supererogationem consiliorum : et pascua inveniet mel divinitatis, et lac humanitatis tuae : huic aperi ostium veritatis ad recte intelligendum, justitia? ad bene operandum. Oves ejus, scilicet, interna? cogitationes voci obediant : proprias oves vocet nominatim, sollicite perlustrando, vel totum bonum gratia? Deo attribuendo : ante eas vadat, ne quid in verbo, vel opere, vel cogitatione perperam fiat : vocem alienorum non audiant, scilicet mundi, carnis, et diaboli : pascat oves incommutabili unitate, sacra Scriptura in terra Gessen, in agro Booz ; animam suam ponat pro eis, rationibus naturalibus contradicendo pro fidedispersas per infinitam rerum temporalium diversitatem in unum colligat. Oves affectionis, et intelligentiae coadunet, ut omnes rationi obediant, et fiat unum ovile. Amen.