520 Acta Apostolicae Sedis - Commentarium Officiale

LITTERAE APOSTOLICAE

I

Venerabili Dei Servo Thomae de Olera caelitum Beatorum tribuitur dignitas.

FRANCISCUS PP.

Ad perpetuam rei memoriam. - « Hic amor respicit et vergit semper in Deum, et Deus vergit in Animam » (de Divino Amore).

Ita Venerabilis Dei Servus Thomas de Olera, saeculari nomine Thomas

Acerbis appellatus, frater laicus Capuccinus scripsit, qui per totam vitam

cor suum ad Dominum direxit. Istud sivit ut cotidianae fratris mendicantis

consuetudines cum vita prorsus contemplativa miscerentur. Perfectus fuit ille

Capuccinus sancti Francisci filius sive in rerum paupertate sive in amoris

erga Deum et infimi ordinis populum divitiis, a nobilibus illius temporis

hominibus propter « sapientiam cordis » requisitus.

Olerae, pusilli Bergomensis provinciae pagi, qui in Valle Seriana situs

est, ex modica familia, exeunte anno MDLXIII, est ortus. Primos XVII annos

apud nativum locum transegit, scholae expertem. Sicut parentes operam

parvo et haud feraci agro colendo dedit atque paroeciale item templum adire

solebat. Anno MDLXXX Ordinem Fratrum Minorum Capuccinorum apud pro-

vinciam Venetam est ingressus. Inde ab initio suae religiosae vitae rigidam

regulam observare studuit, ab optimis sanctisque religiosis viris institutus,

qui tempore aureo primorum annorum Capuccinae reformationis vixerunt.

Novitiato absoluto, munus mendicandi ei est commissum, onerosum quidem

et maximae prudentiae officium praesertim illis temporibus, cum una si-

mul protestanti reformatione in illa regione contentiones potissimum usque

vigerent. Suo est usus religiose officio, ut apostolatus evangelizationisque

inceptis pauperioribus hominibus subveniret. Ostiatim compluribus in pa-

gis urbibusque mendicavit, primum Veronae et in vicinia, deinde Vicetiae,

Roboreti, Coneliani, Utini. Anno MDCXVI archidux Leopoldus V Asburgicus,

imperatoris Ferdinandi II frater et Tirolis regens, voluit ut Ordo Capuc-

cinorum, in locis a se rectis, missionibus agendis operam daret. Obtinuit