Acta Francisci Pp. 521

sic ut nova religiosa Provincia septentrionalis Tirolensis conderetur, ubi

Venerabilis Dei Servus incardinatus est. Aenipontano claustro destinatus,

ibi per totam reliquam vitam mansit, Hallam Tirolis, Monachium, Salisbur-

gum, Vindobonam, Tridentum, Roboretum et Allam mendicationis causa

invisens. Eius munus effecit ut amplum apostolatum sicut Evangelii praeco

atque spiritus magister apud altioris humiliorisque ordinis homines ageret.

Aeniponti die III mensis Maii anno MDCXXXI e vita excessit, lata sanctitatis

fama circumfusus.

Quamvis litteras nesciret, ab anno MDCXVI, superioribus omnino obnoxius,

complura opuscula de spiritali ascensione, de amore in Deum, de vita ac

doloribus Iesu et Virginis Mariae scripsit. Argumenta quoque collegit, quae

apud populum adhiberet, ut contra catholicam doctrinam disputantibus res-

ponderet, licet praecipuum eius apostolatus argumentum « eius ipsius vita »

esset, scilicet absolutae paupertatis testimonium atque flagrans in Deum

Ecclesiamque amor. Venerabilis Dei Servus frater Thomas sua in heroica

humilitate apostolus fuit qui veram fidem nuntiavit, eamque magis vita

quam verbis est testificatus. Nobiles quoque exculti et catholici multum eum

aestimaverunt, qui in eo Altissimi sapientiam repperentur. Amicus fuit et

consiliarius archiducis Leopoldi V, cui « Scala perfectionis » ab eo est dicata.

Spiritalis etiam moderator aestimatus imperatoris Ferdinandi II sororum,

ducissarum Mariae Christinae et Eleonorae Asburgensis, fuit. Apud aulam

Monacensem in amicitiam fuit ducis Maximiliani I, qui ex eo quaesivit ut

nonnullos illius regionis insignes nobiles ad catholicam Ecclesiam reduce-

ret. Omnia haec fecit, numquam suae cotidianae meditationis humiliumque

claustri operum, sibi a superioribus destinatorum, oblitus. Unus exstitit e

sapidis amabilibusque fructibus reformationis, quam in catholica Ecclesia

Concilium Tridentinum provexit.

Tempus sanctitatis famam Thomae ab Olera non extenuavit, sed auxit,

ita ut die XXV mensis Maii anno MCMLXVIII Processus infornativus incoha-

retur, quem Decretum die XXVIII mensis Maii anno MCMLXXXII est suffra-

gatum. Positione parata, Consultores Theologi in Congressione peculiari

coadunati die I mensis Decembris anno MCMLXXXII, de heroicitate virtutum

favens suffragium tulerunt atque idem Patres Cardinales et Episcopi in

Sessione Ordinaria die XXX mensis Novembris anno MCMLXXXVII censuerunt.

His peractis rebus iure statutis, asserta sanatio est exhibita, quam Medici

Consultores Congregationis de Causis Sanctorum die XXIV mensis Februarii