Acta Francisci Pp. 523

II

Servi Dei Fortunatus Velasco Tobar et XIII Socii, e Congregatione Missionis, inter beatos martyres recensentur.

FRANCISCUS PP.

Ad perpetuam rei memoriam. - « Spiritus Domini ... evangelizare pau- peribus misit me » ( Lc 4, 18)

Huius missionis propositum in eo est ut missionarii prompti vitam ge- rant ut universum peragrent orbem missiones ad populum praedicando et seminaria moderando. Inter annos MCMXXXIV-MCMXXXVI, omnes martyres e Congregatione Missionis in Hispania morabantur diversis in sedibus, ubi martyrio obviaverunt, de Iesu in verbo et in opere tum amoris tum mise- ricordiae testimonium praebentes.

Causa amplectitur quattuordecim martyres, quibus nunc praeest Servus Dei Fortunatus Velasco Tobar, in quinque domos vel communitates distri- butos: in Alcorisa (Terulii), in Rialp (Illerdae), Guadalaiarae, Oveti et Aris Sextiis (in Asturia). Martyrii dies occurrunt annis MCMXXXIV-MCMXXXVI.

Omnes Servi Dei e christianis proveniunt familiis. Congregationem Mis- sionis ingressi sunt vehementi desiderio ducti Christum pauperum evan- gelizatorem sequendi. De superiorum mandato, parati ad proficiscendum quoquoversus, varias percurrerunt regiones diversa implentes ministeria, quorum praecipuum exsequebantur munus in seminariis sive dioecesanis sive propriae Congregationis et in collegiis; deditos quoque se reddebant concionibus ad populum tradendis, et spiritualibus exercitiis ad sacerdotes, laicos, Filias Caritatis et iuvenes habendis, tam in Hispania quam in exte- ris nationibus: in Insulis Philippinis, Cuba, Brasilia, Civitatibus Foederatis Americae Septentrionalis. Omnes in odium fidei mortem oppetiverunt mi- rum nobis relinquentes fidei et amoris testimonium, prout legi potest in eorum biographiis.

Ecce eorum nomina, quibus accedunt dies et locus tam nativitatis quam martyrii:

I.- Fortunatus Velasco Tobar, C.M., presbyter, natus in Tardajos ( Burgi)

die I mensis Iunii anno MCMVI, martyr in Alcorisa ( Terulii) in via quae ad

coemeterium ducit, die XXIV mensis Augusti anno MCMXXXVI.