XXXVIII.

Dominica decima post festum Trinitatis,

ORATIO.

Et ut appropinquavit Jesus Jerusalem, videns civitatem, flevit super illam .

Domine Jesu Christe, in tentatione et tribulatione mea doce me cognoscere tempus visitationis tuae: videam peccata mea et defleam quae in die temporalis pacis abscondita sunt ab oculis cordis mei : ne inimici mei, daemonum suggestiones, temporalium rerum pulchritudines, et carnales voluptates circumdent, coangustent, et ad terram prosternant me, et filios meos, sensus scilicet, et cogitatus, et affectus meos qui in me sunt, et ordinem virtutum destruant. Ejice ab anima mea simulationem ementium, et jactantiam vendentium gratiam tuam, ut fiam templum praedicationis, domus orationis in praesenti et tuae laudis in futuro. Amen.