XL.

Dominica duodecima post festum Trinitatis,

ORATIO.

Exiens Jesus de finibus Tyri, venit per Sidonem .

Domine Jesu Christe, qui finaliter malos deseris, veni ad filios praedestinstionis, per Sidonem predicationis, ad mare contritionis Galilaeae, confessionis, satisfactionis, et transmigrationis: inter medios fines proficientis charitatis, ad instantiam praedicationis, correptionis, infirmitatis, orationis, et tribulationis. Apprehende nos seorsum a turba multitudinis, mitte digitum discretionis in auriculam nostri intellectus, et in affectum gustum sapientiae: ut solvantur vincula linguae nostrae ad confitendum, pudor scilicet, et impunitatis stulta spes, desperatio, et diffidentia: ut loquamur recte verbo, a voluntate et opere non discordante. Vitemus laudem hominum, de contemptu temporalium, de humilitate, et patientia admirantium : ut et surdi bene audiant per conversionem, et muti loquantur per confessionem et predicationem. Amen.