XLVII.

Dominica decima nona post festum Trinitatis,

ORATIO.

Ascendens Jesus in naviculam transfretavit .

Domine Jesu Christe, qui in Passione tua naviculam crucis ascendisti, in Resurrectione transfretasti, et in Ascensione venisti in civitem tuam, villam pulchritudinis corporum et consolationis animarum : ecce verbum praedicationis, assiduitas orationis, eleemosyna, et frequentia confessionis ; vel timor de obduratione cordis, de ira Dei, de periculo supervenientis infirmitatis, de incertitudine mortis ; vel allocutio divinae inspirationis, vitatio multitudinis, exempla Sanctorum, et humilitas poenitentiae, offerunt tibi animam peccatorum morbo dissolutam, immobilem ad promerendum,insensibilem propriorum vulnerum et aliorum ; jacentem in monte superbias ut Saul, in terra cupiditatis ut Dagon, et in lecto luxurias ut aeneas. Respice portitorum fidem, et dic jacenti in peccatis ut confidat in terra sibi remitti peccata, surgat per confessionem, tollat lectum per satisfactionem, ambulet per profectum virtutum in domum suam, in unitatem Ecclesias, vel aeternam beatitudinem : ut turbae fidelium videant, timeant, et glorificent Deum, qui talem potestatem dedit hominibus ad hominum utilitatem. Amen.