LIII.

Dominica vicesima quinta post festum Trinitatis.

ORATIO.

Cum sublevasset oculos Jesus, et vidisset quia multitudo maxima venit ad eum, dixit ad Philippum : Unde ememus panes, ut manducent hi ?''

Domine Jesu Christe, quoniam prope est Pascha transitus mei, et panes emptitii carnalium illecebrarum comparati ducentis denariis, perditione scilicet corporis et animae, non sufficiunt ut unusquisque modicum quid accipiat: fac me levare oculos mentis ad te, et discumbere super fanum carnalis voluptatis, temporalis possessionis et gloria, ut merear satiari quinque spiritualium panum refectione, timore divini judicii, horrore peccati, dolore contritionis, pudore confessionis, et labore satisfactionis: et duobus piscibus, stabilitate propositi, et desiderio in melius proficiendi: vel quinque panibus quos puer unus habet hic, scilicet humilitas quae meretur respectum gratias Dei vacua impleri, intrare januam paradisi quae est secretaria Dei, et meretur gloriam exaltationis: et duobus piscibus, patientia scilicet contumeliarum, et iniuriarum. Amen.