EX S. G. RITUUM 63

et virtus, qui in magnis Ecclesiae laboribus vires eius confirmat

ac fulcit: qui nomine suo certantibus solatia tribuit: qui pro-

videntiae suae consilio ex malis ipsis uberem bonorum messem

educit : fulget item Ecclesiae gloria quae originis vitaeque suae

vim divinam ostendit, ac divinum quo regitur vicitque, spiritum:

quo fit, ut fidelium mentes et voluntates uno eodemque vinculo

invicem, itemque cum supremo Ecclesiae Pastore iungantur (Al-

locut. Consistor. 25 Novembr. 1887).

Iamvero id perpendentes Catholicorum gentes, dum inferorum

portae quotidie audaciores fiunt in bello adversus Ecclesiam urgen-

do, probe sentiunt quantopere oporteat in potentissimam Dei Ma-

trem augere fervorem , augere fiduciam ; ut per Rosarii preces

exorata, nomini Christiano et Apostolicae Cathedrae propitia suc-

currat, memores velle Deum donorum suorum continuationem atque

implementum non solum bonitatis suae, sed etiam perseveran-

tiae nostrae esse fructum (Breve Apost. 24 Decembr. 1883).

Quapropter ad gratias agendas pro acceptis beneficiis, et pro

concedendis enixius deprecandum, Beatissimus Pater quae superio-

ribus annis per Suas Encyclicas, et per Sacrorum Rituum Congre-

gationis Decreta, (20 Augusti 1885 - 26 Augusti 1886 - 11 Septem-

bris 1887) de salutaris sacri Rosarii ritu, praesertim toto mense Octo-

bri celebrando, statuit, et hortatus est, eadem omnia hoc vertente

anno fieri mandat ac vehementer hortatur. Et quoniam plura de

ampliori cultu liturgico magnae Virgini sub titulo Rosarii exhiben-

do iam decrevit; novum addere adhuc volens incrementum, sacrum

festum eiusdem Rosarii solemnitatis, Dominicae primae Octobris

adsignatum, OFFICIO PROPRIO CUM MISSA decoravit,

illudque ab utroque Clero in posterum recitari praecepit, iuxta

schema quod, a se recognitum et probatum per eamdem Sacrorum

Rituum Congregationem hac ipsa die edi mandavit.

Nonis Augusti , in Festo Beatae Mariae Virginis ad Nives

anno 1888.