568 Acta Apostolicae Sedis - Commentarium Officiale

ACTA CONGREGATIONUM

CONGREGATIO DE CAUSIS SANCTORUM

MARIANOPOLITANA

Beatificationis et Canonizationis Servae Dei Rosaliae Cadron-Jetté (in rel.: Matris a Nativitate) Fundatricis Instituti Sororum a Misericordia (1794-1864)

DECRETUM SUPER VIRTUTIBUS

« Iesu Salvatoris misericordiam explere ».

Haec est sententia, super quam Servae Dei Rosaliae Cadron-Jetté tota

vita fulta est et ipsum propositum Instituti ab ea fundati evenit.

Serva Dei die 27 mensis Ianuarii anno 1794 in pago v.d. Saint-Antoine de

Lavaltrie Canadensi in regione nata est eodemque die sacro fonte lustrata.

Domi instituta est ibique domestica officia una cum consuendi et aliorum

opificiorum artibus cognovit.

Aetatis suae annum septimum decimum agens, virum Ioannem Mariam

Jetté cognovit et ei nupsit cognomenque eius suscipiens. E matrimonio un-

decim filii generati sunt, quorum quinque adhuc pueri mortui. Anno 1822

familia Jetté in pagum Verchères migravit et post variis eventibus Maria-

nopolim sedem mutavit. Interea aliqui filii matrimonium inerunt et anno

1832, illius maritus atroci cholerae contagione correptus, una cum hominum

multitudine e vita ereptus est.

Amisso viro, Rosalia, dum in reliquos filios incumbit, Episcopus Maria-

nopolis, qui Servae Dei spiritualis moderator erat, eam traxit et incitavit in

opus inchoandum pro iuvenibus matribus et pro earum pueris. Illa, quae iam

mulierem iniuriis vexatam auxiliavit, una cum aliquibus mulieribus amicis

pro hac causa operam dedit, hospitium matribus non nuptis offerens et

alias praegnantes succurrens, quarum partui assedit, hac re, et medicum

auxilium praebuit.

Hac condicione, Episcopus a Serva Dei postulavit ut ordinem religio-

sum ad hanc causam sustinendam institueret. Qua re Rosalia anno 1848