570 Acta Apostolicae Sedis - Commentarium Officiale

Exarata Positione, secundum canones consuetos disceptatum est an Serva

Dei heroum in modum, virtutes excoluisset. Die 26 mensis Martii anno 1996

Consultorum Historicorum Consilium habitum est et die 25 mensis Novem-

bris anno 2001, positivo cum exitu, Peculiaris Consultorum Theologorum

Congressus evenit. Patres Cardinales et Episcopi in Sessione Ordinaria die

3 mensis Decembris anno 2013 congregati, me Cardinale Angelo Amato

praesidente, Servam Dei heroum in gradu virtutes theologales, cardinales

et adnexas exercuisse agnoverunt.

Facta demum de hisce omnibus rebus Summo Pontifici Francisco per

subscriptum Cardinalem Praefectum accurata relatione, Sanctitas Sua, vota

Congregationis de Causis Sanctorum excipiens rataque habens, hodierno die

declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tempe-

rantia et Fortitudine, iisque adnexis, in gradu heroico, Servae Dei Rosaliae

Cadron-Jetté (in rel.: Matris a Nativitate), Fundatricis Instituti Sororum a

Misericordia, in casu et ad effectum de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 9 mensis Decembris a.D. 2013.

anGeluS card. amato, S.D.b. Praefectus

L. G S.

G marCelluS bartoluCCi Archiep. tit. Mevaniensis, a Secretis